4.3 C
New York
November 19, 2019
Breaking News உலகம்

இந்திய விமானங்கள் பறக்க தடையா? – பாகிஸ்தான் மந்திரி ஷா மெஹ்மூத் குரேஷி மறுப்பு

இஸ்லாமாபாத், ஆக. 29,

இந்திய விமானங்கள் பறக்க தடை விதித்து வான் எல்லையை மூடப்போவதாக வெளியான தகவலை பாகிஸ்தான் வெளியுறவுத்துறை மந்திரி மறுத்துள்ளார்.

ஜம்மு-காஷ்மீர் மாநிலத்துக்கு சிறப்பு அந்தஸ்து அளிக்கும் இந்திய அரசியல் சாசன சட்டத்தின் பிரிவு 370-ஐ மத்திய அரசு கடந்த 5-ம் தேதி ரத்து செய்தது. அத்துடன், ஜம்மு காஷ்மீரை இரண்டு யூனியன் பிரதேசங்களாகவும் பிரித்துள்ளது. இந்தியாவின் இந்த நடவடிக்கைக்கு பாகிஸ்தான் கடும் எதிர்ப்பு தெரிவித்து வருகிறது. 

அத்துடன் இந்தியாவின்  நடவடிக்கைக்கு பதிலடி கொடுக்கும் வகையில், பாகிஸ்தான் பகுதிக்குள் இந்திய விமானங்கள் பறக்க தடை விதித்து, வான்வெளியை மூடுவது பற்றி பிரதமர் இம்ரான் கான் ஆலோசித்ததாகவும் சமீபத்தில் தகவல் வெளியானது. பாகிஸ்தான் மந்திரி பாவத் உசைன் டுவிட்டரில் இதனை குறிப்பிட்டிருந்தார். எனவே, விரைவில் இந்திய விமானங்களுக்கான வான்வெளியை பாகிஸ்தான் மூடலாம் என பேசப்பட்டது. 

ஆனால் இந்த தகவலை பாகிஸ்தான் வெளியுறவுத்துறை மந்திரி குரேஷி மறுத்துள்ளார். இந்தியாவுக்கான வான்வெளியை மூடுவது குறித்து எந்த முடிவும் இதுவரை எடுக்கப்படவில்லை என்றும், ஒவ்வொரு அம்சத்தையும் ஆராய்ந்தபிறகே அத்தகைய முடிவு எடுக்கப்படும் என்றும் குரேஷி கூறியுள்ளார்.

ஏற்கனவே பாலக்கோட் பயங்கரவாத முகாம்கள் மீத இந்திய விமானப்படை தாக்குதல் நடத்தியதைத் தொடர்ந்து பிப்ரவரி மாதம் பாகிஸ்தான் பகுதிக்குள் விமானங்கள் பறக்க தடை விதித்து வான்வெளியை மூடியது. பின்னர்  இந்திய விமானங்கள் தவிர மற்ற விமானங்கள் பறக்க அனுமதி அளித்தது. ஜூலை 16-ம் தேதி இந்திய போக்குவரத்து விமானங்கள் பறக்க அனுமதி அளித்தது குறிப்பிடத்தக்கது. 

Related posts

“தினமும் ஒருவர் பிரதமர் ஆகப்போகிறார்” – ஸ்டாலின் உள்பட எதிர்க்கட்சி தலைவர்களை கிண்டல் செய்த அமித் ஷா

Buhari Shareef

புதிய 20 ரூபாய் நோட்டு – ரிசர்வ் வங்கி வெளியிடுகிறது

Buhari Shareef

இலங்கையில் குண்டு வெடிப்பு நிகழ்த்திய 9 பயங்கரவாதிகளின் புகைப்படம் வெளியீடு

Buhari Shareef

உ.பி.யின் கான்பூரில் ஹவுரா-டெல்லி பூர்வா எக்ஸ்பிரசின் 5 பெட்டிகள் தடம்புரண்டது

Buhari Shareef

மேகதாதுவில் அணை கட்ட அனுமதிக்கக் கூடாது – பிரதமர்  மோடியிடம் தமிழக முதலமைச்சா் எடப்பாடி பழனிசாமி வேண்டுகோள்

Buhari Shareef

தேசத்துரோக சட்டத்தை மேலும் கடுமையாக்குவோம்- ராஜ்நாத் சிங்

Buhari Shareef