நீர்மூழ்கிக் கப்பலை கண்டறியும் ஐஎன்எஸ் மாங்ரோல் நேற்று மும்பையில் கடற்படையில் முறைப்படி இணைப்பு
Anti-submarine vessel INS Mangrol formally inducted into the Navy in Mumbai yesterday
-
இப்போர்க்கப்பல் 80 சதவீதத்திற்கும் அதிகமான உள்நாட்டுப் பொருட்களால் கட்டப்பட்டுள்ளது.
-
கடல் கண்காணிப்பு, குறைந்த தீவிர கடல்சார் நடவடிக்கைகள் மற்றும் கண்ணிவெடி போர்ப் பயிற்சிகளிலும் ஈடுபடும் திறன் படைத்தது.
மும்பை, அக். 13
நீர்மூழ்கிக் கப்பலை கண்டறியும் ஐஎன்எஸ் மாங்ரோல் நேற்று மும்பையில் கடற்படையில் முறைப்படி இணைக்கப்பட்டது.
கொச்சியில் உள்ள ‘கொச்சின் ஷிப்யார்ட் லிமிடெட்’ நிறுவனத்தால் கட்டப்பட்ட இந்தக் கப்பல், நீர்மூழ்கிக் கப்பல்களின் அச்சுறுத்தல்களைக் கண்டறிந்து அழிக்கவும், கடல் சார் ரோந்து விமானங்கள், ஹெலிகாப்டர்கள் மற்றும் பிற போர்க்கப்பல்களுடன் இணைந்து இயங்கும் திறனையும் கொண்டது.
மேலும் இது கடல் கண்காணிப்பு, குறைந்த தீவிர கடல்சார் நடவடிக்கைகள் மற்றும் கண்ணிவெடி போர்ப் பயிற்சிகளிலும் ஈடுபடும் திறன் படைத்தது.
துறைமுகங்கள், கடலோரப் பகுதிகள் ஆகியவற்றைப் பாதுகாப்பதுடன், கடற்படையின் ஒட்டுமொத்த செயல்பாடுகளுக்கும் இது உறுதுணையாக இருக்கும்.
குஜராத்தின் ஜூனாகட் மாவட்டத்தில் உள்ள ஒரு கடலோர மீன்பிடி நகரமான மாங்ரோலை மையமாகக் கொண்டு இக்கப்பலுக்குப் பெயரிடப்பட்டுள்ளது. ஏற்கெனவே ஏப்ரல் 2004 வரை இந்திய கடற்படையில் சேவை ஆற்றிய ஐஎன்எஸ் மாங்ரோல் கண்ணிவெடி அகற்றும் ‘மைன்ஸ்வீப்பர்’ ரகப் போர்க்கப்பலின் பாரம்பரியத்தை இந்தப் புதிய கப்பல் முன்னெடுத்துச் செல்கிறது.
பழைய போர்க்கப்பல்களின் பெயர்களையும், பெருமையையும் அடுத்த தலைமுறை கப்பல்களுக்குச் சூட்டும் கடற்படையின் பாரம்பரியத்தின்படி இப்பெயர் வைக்கப்பட்டுள்ளது. இப்போர்க்கப்பல் 80 சதவீதத்திற்கும் அதிகமான உள்நாட்டுப் பொருட்களால் கட்டப்பட்டுள்ளது. நவீன போர்க்கப்பல் வடிவமைப்பு, கட்டுமானம் மற்றும் மேம்படுத்தப்பட்ட ஆயுதங்கள்/சென்சார்களை ஒருங்கிணைப்பதில் இந்தியாவின் வளர்ந்து வரும் சுயசார்புத் திறனை இந்த கப்பல் வெளிப்படுத்துகிறது.
சுவாரஸ்யமான அண்மை செய்திகளை உடனுக்குடன் தெரிந்து கொள்ள https://puthiyaparimaanam.com/ மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.
