கரப்பான் பூச்சி ஜனதா கட்சி (சிஜேபி) நிறுவனர் அபிஜித் திப்கே உட்பட 3 நிர்வாகிகள் நேற்று நிபந்தனை ஜாமீனில் விடுவிப்பு
Three office-bearers of the Karappan Poochi Janata Party (CJP), including founder Abhijit Dipke, released on conditional bail yesterday
-
சிஜேபி நிறுவனர் அபிஜித் திப்கே, செய்தித் தொடர்பாளர் சவுரவ் தாஸ், ஒருங்கிணைப்பாளர் அசுதோஷ் ரங்கா ஆகியோர் டெல்லிக்கு வந்த போது விமானத்திலேயே கைது
புதுடெல்லி, அக். 12
கரப்பான் பூச்சி ஜனதா கட்சி (சிஜேபி) நிறுவனர் அபிஜித் திப்கே உட்பட 3 நிர்வாகிகள் நேற்று நிபந்தனை ஜாமீனில் விடுவிக்கப்பட்டனர். அதன்படி ஓராண்டு வரை மூவரும் அமைதிக்குக் குந்தகம் விளைவிக்கக் கூடாது என்று நீதிமன்றம் நிபந்தனை விதித்துள்ளது.
வாக்காளர் பட்டியல் சிறப்பு தீவிர திருத்தம் தொடர்பாகத் தலைமைத் தேர்தல் ஆணையர் ஞானேஷ் குமார் பதவி விலகக் கோரி சிஜேபி சார்பில் டெல்லியில் நேற்று முன்தினம் காலவரையற்ற போராட்டம் தொடங்கப்பட்டது.
ஆனால், கடந்த முறை டெல்லியில் சிஜேபி நடத்திய போராட்டத்தில் வன்முறை ஏற்பட்டது. இதையடுத்து, இந்த முறை முன்னெச்சரிக்கை நடவடிக்கையாக சிஜேபி நிறுவனர் அபிஜித் திப்கே, செய்தித் தொடர்பாளர் சவுரவ் தாஸ், ஒருங்கிணைப்பாளர் அசுதோஷ் ரங்கா ஆகியோர் டெல்லிக்கு வந்த போது விமானத்திலேயே கைது செய்யப்பட்டனர்.
பிஎன்எஸ் பிரிவு 126 (அமைதியைப் பேணுவதற்கான நடவடிக்கை) பிரிவு 170 (குற்றங்கள் நிகழ்வதைத் தடுக்க கைது செய்தல்) ஆகிய சட்டப் பிரிவுகளின் கீழ் 3 பேரும் கைது செய்யப்பட்டதாக டெல்லி போலீஸார் விளக்கம் அளித்தனர்.
இதைத் தொடர்ந்து டெல்லி கன்டோன்மென்ட் பகுதியில் உள்ள மாஜிஸ்திரேட் நீதிமன்றத்தில் 3 பேரும் நேற்று காலை ஆஜர்படுத்தப்பட்டனர். அவர்களை நிபந்தனை ஜாமீனில் விடுதலை செய்ய மாஜிஸ்திரேட் உத்தரவிட்டார்.
சிஜேபி நிறுவனர் அபிஜித் திப்கேவின் பாட்டி சாவித்ரிபாய் நேற்று முன்தினம் காலமானார். மகாராஷ்டிராவின் ஹிங்கோலி மாவட்டம், சந்துக்பிம்ப்ரி கிராமத்தில் நேற்று காலை அவரது இறுதிச் சடங்கு நடைபெற்றது. காலை 10 மணிக்கு அபிஜித் திப்கே ஜாமீனில் விடுவிக்கப்பட்டார். இதன் காரணமாக அவரால் பாட்டியின் இறுதிச் சடங்கில் பங்கேற்க முடியவில்லை.
சுவாரஸ்யமான அண்மை செய்திகளை உடனுக்குடன் தெரிந்து கொள்ள https://puthiyaparimaanam.com/ மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.
