இயக்குனர் கே . பாக்கியராஜ் மாரடைப்பால் மரணம் : திரையுலகமே அதிர்ச்சி 

இயக்குனர் கே. பாக்கியராஜ் மாரடைப்பால் மரணம் : திரையுலகமே அதிர்ச்சி 

Director K. Bhagyaraj Passes Away Due to Heart Attack: Shockwaves across the film industry

• பாரதிராஜாவிடம் உதவி இயக்குநராகவும், கதாசிரியராகவும் இருந்து, அவராலேயே நடிகனாக அறிமுகப்படுத்தப்பட்டு, இயக்குநரானவர் கே.பாக்யராஜ்.

• இன்று காலை திடீரென மாரடைப்பு ஏற்பட்டதாகவும் அதனை தொடர்ந்து மருத்துவமனையில் அனுமதிக்கப்பட்டு சிகிச்சை அளிக்கப்பட்டு வந்த நிலையில் தற்போது மருத்துவமனையிலேயே அவர் உயிர் பிரிந்தது.

சென்னை, ஜூன். 27

நடிகரும், இயக்குநருமான கே.பாக்கியராஜ் காலமானார். உடல்நிலை கவலைக்கிடமாக மருத்துவமனையில் அனுமதிக்கப்பட்ட அவர் தற்போது உயிரிழந்தார் எனத் தகவல் வெளியாகியுள்ளது.

பாரதிராஜாவிடம் உதவி இயக்குநராகவும், கதாசிரியராகவும் இருந்து, அவராலேயே நடிகனாக அறிமுகப்படுத்தப்பட்டு, இயக்குநரானவர் கே.பாக்யராஜ். திரைக்கதை மன்னன் என்று அழைக்கப்படுபவர். இதற்கு காரணம், அவரது தனித்துவமான கதை சொல்லும் முறையும், சாதாரண விஷயத்தையும் சுவாரஸ்யமாக மாற்றும் திறமையும்தான்.
அவரது கதைகள் பெரும்பாலும் ஒரு சராசரி மனிதனின் வாழ்க்கையைச் சுற்றியே இருக்கும். மிகைப்படுத்தப்பட்ட சண்டைக் காட்சிகளோ, பிரம்மாண்டமோ இல்லாமல், பக்கத்து வீட்டுக்காரர் ஒருவருக்கு நடக்கும் கதையைப் பார்ப்பது போன்ற உணர்வை அவர் தருவார்.

ஒரு கதையை எப்படி ஆரம்பித்து, எங்கே ட்விஸ்ட் வைக்க வேண்டும் அதை எப்படிச் சாமர்த்தியமாக அவிழ்க்க வேண்டும் என்பதில் அவர் கில்லாடி. இன்றுவரை பல இளம் இயக்குநர்களுக்குத் திரைக்கதை எழுதுவது எப்படி என்பதற்கு பாக்யராஜின் படங்களே பாடப்புத்தகமாக விளங்குகின்றன.

சினிமாவில் இருந்து ஒதுங்கவில்லை என்றாலும் அவ்வப்போது சில படங்களில் நடித்து வந்தார். அண்மையில் பாக்யராஜ் சினிமாவுக்கு வந்து 50 ஆண்டுகள் முடிந்தது கொண்டாடப்பட்டது. இந்த நிலையில் தான் இன்று கே.பாக்கியராஜ் சுயநினைவை இழந்த நிலையில் கவலைக்கிடமான நிலையில் மருத்துவமனையில் அனுமதிக்கப்பட்டார்
வீட்டில் இருந்த அவருக்கு இன்று காலை திடீரென மாரடைப்பு ஏற்பட்டதாகவும் அதனை தொடர்ந்து மருத்துவமனையில் அனுமதிக்கப்பட்டு சிகிச்சை அளிக்கப்பட்டு வந்த நிலையில் தற்போது மருத்துவமனையிலேயே அவர் உயிர் பிரிந்தது.

அண்மையில், பாக்கியராஜின் குருநாதரும் இயக்குனருமான பாரதிராஜா மறைந்தார். இம்மாதம் 10ஆம் தேதி பாரதிராஜா மறைந்த நிலையில், அடுத்த 17 நாட்களில் அவரின் முதல் சிஷ்யனான பாக்கியராஜும் மறைந்திருப்பது தமிழ் சினிமா உலகில் சோகத்தை ஏற்படுத்தியுள்ளது. பாரதிராஜாவின் ’16வது வயதினிலே’ படத்தின் மூலம் சினிமா உலகிற்கு வந்த பாக்கியராஜ், அவராலே முதன்முதலாக ஹீரோவாகவும் ஆக்கப்பட்டார் என்பது குறிப்பிடத்தக்கது.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.