தாய்லாந்து பிரபல சுற்றுலாத் தீவில் பயங்கரத் தீ விபத்து ; 11 பேர் உயிரிழப்பு ; 36 பேர் காயம்

தாய்லாந்து பிரபல சுற்றுலாத் தீவில் பயங்கரத் தீ விபத்து ; 11 பேர் உயிரிழப்பு ; 36 பேர் காயம்

Major Fire on Popular Thai Tourist Island: 11 Dead, 36 Injured

  • கட்டிடத்தின் தரைதளத்தில் 100 இருசக்கர வாகனங்கள் நிறுத்தப்பட்டிருந்ததால், அவற்றிலிருந்த எரிபொருள், ரப்பர் டயர்கள் மற்றும் பிளாஸ்டிக் பாகங்கள் காரணமாக தீ மளமளவென அருகிலுள்ள ஐந்து வணிகக் கட்டிடங்களுக்கு பரவல்

பாங்காக், நவ .16

தாய்லாந்து பிரபல சுற்றுலாத் தீவில் பயங்கரத் தீ விபத்து ; 11 பேர் உயிரிழப்பு ; 36 பேர் காயம்:

தாய்லாந்தின் தெற்குப் பகுதியில் உள்ள பிரபல சுற்றுலாத் தீவான புகெட்டின் பாடோங் பகுதியில் உள்ள நான்கு மாடி வணிக கட்டிடத்தில் இன்று (நவம்பர் 16) அதிகாலை ஏற்பட்ட பயங்கரத் தீ விபத்தில் 11 பேர் பரிதாபமாக உயிரிழந்தனர். 36 பேர் காயமடைந்துள்ளனர்.

பாடோங் கடற்கரைக்கு அருகிலுள்ள பாங் முவாங் சாய் கோர் சாலையில் அமைந்துள்ள வாகன வாடகை நிறுவனம், விற்பனை அலுவலகங்கள் மற்றும் தங்கும் விடுதிகள் செயல்படும் கட்டிடத்தில் அதிகாலை 3 மணியளவில் தீப்பற்றியது. கட்டிடத்தின் தரைதளத்தில் 100 இருசக்கர வாகனங்கள் நிறுத்தப்பட்டிருந்ததால், அவற்றிலிருந்த எரிபொருள், ரப்பர் டயர்கள் மற்றும் பிளாஸ்டிக் பாகங்கள் காரணமாக தீ மளமளவென அருகிலுள்ள ஐந்து வணிகக் கட்டிடங்களுக்கும் பரவியது.

தீ விபத்து ஏற்பட்டதும் கட்டிடத்துக்குள் இருந்தவர்கள் மாடிக்கு ஓடித் தப்பிக்க முயன்ற போதிலும், கரும்புகை சூழ்ந்ததால் வெளியேற முடியாமல் தவித்தனர். தகவலறிந்து விரைந்து வந்த தீயணைப்புப் படையினர் இரண்டு மணி நேரம் போராடி தீயைக் கட்டுக்குள் கொண்டு வந்தனர். புகை மூட்டத்தால் மூச்சுத் திணறல் ஏற்பட்டே பெரும்பாலான உயிரிழப்புகள் நிகழ்ந்துள்ளதாக முதற்கட்ட விசாரணையில் தெரியவந்துள்ளது.

உயிரிழந்த 11 பேரில் தாய்லாந்து மற்றும் மியான்மர் நாட்டவர்கள் அடங்குவர் என்றும், இதில் வெளிநாட்டுச் சுற்றுலாப் பயணிகள் யாரும் பாதிக்கப்படவில்லை என்றும் அதிகாரிகள் உறுதிப்படுத்தியுள்ளனர். காயமடைந்தவர்கள் அருகிலுள்ள மருத்துவமனைகளில் அனுமதிக்கப்பட்டுள்ளனர்.

கட்டிடத்துக்கு அருகிலுள்ள மின்கம்பத்தில் ஏற்பட்ட மின்கசிவு காரணமாக தீ விபத்து ஏற்பட்டிருக்கலாம் என அதிகாரிகள் சந்தேகிக்கின்றனர். இதே போல கடந்த ஜூலை மாதம் பாங்காக்கில் உள்ள மதுபானக் கூடத்தில் ஏற்பட்ட தீ விபத்தில் 40 பேர் உயிரிழந்ததும், 2009-ஆம் ஆண்டு புத்தாண்டு கொண்டாட்டத்தின்போது பாங்காக் இரவு விடுதியில் ஏற்பட்ட தீ விபத்தில் 67 பேர் உயிரிழந்ததும் குறிப்பிடத்தக்கது.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.

Related Articles

Stay Connected

0FansLike
3,849FollowersFollow
22,900SubscribersSubscribe
- Advertisement -spot_img

Latest Articles