“உலக ஜனநாயக வாக்கெடுப்பு முறைக்கு தமிழனே முன்மாதிரி”- சியோல் பன்னாட்டு சமூக அறிவியல் கருத்தரங்கில் முனைவர் செல்வராஜ் அருள்நாதன் அதிரடி

“உலக ஜனநாயக வாக்கெடுப்பு முறைக்கு தமிழனே முன்மாதிரி”- சியோல் பன்னாட்டு சமூக அறிவியல் கருத்தரங்கில் முனைவர் செல்வராஜ் அருள்நாதன் அதிரடி  

 – Dr. Selvaraj Arulnathan at the International Social Science Seminar in Seoul (ISSS 2026)

  • சோழர் காலத்தில் நடைமுறையில் இருந்த குடவோலை முறை குறித்தும், ஊர்ச் சபை உறுப்பினர்களை ஓலைச் சீட்டுகள் மூலம் தேர்ந்தெடுத்த வாக்கெடுப்பு முறை, தமிழ்ச் சமூகம் காட்டிச்சென்ற  மக்களாட்சியின் முன்மாதிரி மரபு -முனைவர் செல்வராஜ் அருள்நாதன்

சியோல், நவ. 16
தென்கொரியா தலைநகர் சியோலில் இயங்கி வரும் “தென் கொரியா தமிழ் ஆராய்ச்சி அமைப்பு” கொரிய மொழி மற்றும் தமிழ் மொழி குறித்தும் இரு இனங்களின் பாரம்பரியம், கலாச்சார மரபுகள் குறித்தும் ஆய்வு செய்து வருகிறது. அத்துடன் சர்வதேச திருக்குறள் ஆராய்ச்சி மாநாடு, சர்வதேச தமிழ் மற்றும் கொரிய மொழி ஆய்வு கருத்தரங்குகளை நடத்தி ஆய்வாளர்களை ஊக்குவித்து, உருவாக்கி வருகிறது.

இதன்தொடர்ச்சியாக தென் கொரியா தமிழ் ஆராய்ச்சி அமைப்பு சார்பில், கடந்த 12ந் தேதி சியோலில் உள்ள தி ஃபோரம் இன்டர்நேஷனல் அரங்கில், பன்னாட்டுச் சமூக அறிவியல் ஆய்வுக் கருத்தரங்கு நடைபெற்றது. இதில் இந்தியா, தென் கொரியா, அமெரிக்கா, கானா, நைஜீரியா, செக் குடியரசு ஆகிய ஆறு நாடுகளைச் சேர்ந்த 25 பேர் பங்கேற்றனர்.

நிகழ்ச்சியில் சிறப்பு விருந்தினராக பெங்களூரு இந்தியன் சோசியல் இன்ஸ்ட்டிடியூட் நிறுவன செயல் இயக்குநர் முனைவர் செல்வராஜ் அருள்நாதன் கலந்துகொண்டு, “பண்டையத் தமிழ் இலக்கியங்களில் மக்களாட்சியும் சமூக உள்ளடக்கமும்” என்ற தலைப்பில் சிறப்புரையாற்றினார்.

சிலப்பதிகாரம், மணிமேகலை, சீவகசிந்தாமணி, வளையாபதி, குண்டலகேசி ஆகிய ஐம்பெருங்காப்பியங்களிலிருந்தும், புறநானுறு மற்றும் திருக்குறளிலிருந்தும் சான்றுகளை மேற்கோள்காட்டி, பண்டைத் தமிழர்களின் வாழ்வியலை அவர் விளக்கினார்.

மேலும் சோழர் காலத்தில் நடைமுறையில் இருந்த குடவோலை முறை குறித்தும், ஊர்ச் சபை உறுப்பினர்களை ஓலைச் சீட்டுகள் மூலம் தேர்ந்தெடுத்த வாக்கெடுப்பு முறை, தமிழ்ச் சமூகம் காட்டிச்சென்ற  மக்களாட்சியின் முன்மாதிரி மரபு என்பதை முனைவர் செல்வராஜ் அருள்நாதன் மிக தெளிவாக எடுத்துரைத்தார்.

தென் கொரியா தமிழ் ஆராய்ச்சி அமைப்பின் தலைவர் முனைவர் செ. ஆரோக்கியராஜ் பேசுகையில், “இக்கருத்தரங்கு தமிழரின் அறிவியல் மற்றும் சமூக வரலாற்றை உலகுக்கு எடுத்துரைக்கும் வகையில் அமைந்தாகவும், தங்களது அமைப்பு இந்தியா–கொரியா நாடுகளுக்கிடையேயான உறவை வலுப்படுத்துவகையில் தொடர் செயல்பாடுகளை முன்னெடுத்து வருவதாகவும் கூறினார்.

நிகழ்ச்சி ஏற்பாடுகளை அமைப்பின் தலைவர் முனைவர் செ. ஆரோக்கியராஜ், துணைத் தலைவர் கவிஞர் சகாய டர்சியூஸ் பீ, செயலாளர் முனைவர் தே. ஞானராஜ், மக்கள் தொடர்புச் செயலாளர் தொழிலதிபர் சாந்தி பிரின்ஸ் உள்ளிட்ட உறுப்பினர்கள்  ஒருங்கிணைத்திருந்தனர்.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.

Related Articles

Stay Connected

0FansLike
3,849FollowersFollow
22,900SubscribersSubscribe
- Advertisement -spot_img

Latest Articles