தாராபுரம் இடைத்தேர்தலில் தவெக வேட்பாளர் சத்தியபாமா வெற்றி

தாராபுரம் இடைத்தேர்தலில் தவெக வேட்பாளர் சத்தியபாமா வெற்றி

TVK Candidate Sathyabhama Wins Dharapuram By-election

• தாராபுரம் தொகுதி திமுக வேட்பாளர் சுகன்யா 57,690 வாக்குகளை பெற்று இரண்டாமிடம் பிடித்துள்ளார்.

தாராபுரம், அக். 09

தாராபுரம் இடைத்தேர்தலில் தவெக வேட்பாளர் சத்தியபாமா வெற்றி பெற்றுள்ளார். தாராபுரம் இடைத்தேர்தலில் பதிவான வாக்குகள் எண்ணப்பட்ட நிலையில்,முதலில் அதிமுக முன்னிலை வகித்தது.
பின்னர் 6-ஆம் சுற்றுக்கு மேல் தவெக தொடர்ந்து முன்னிலை பெற்றது. அப்போது முதல் கடைசி சுற்று வரை தொடர்ந்து தவெக முன்னிலை பெற்றது. இறுதியாக தாராபுரத்தில் 9,151 வாக்குகள் வித்தியாசத்தில் தவெக வேட்பாளர் சத்தியபாமா வெற்றி பெற்றார்.

கடந்த பொதுத் தேர்தலில் 16,727 வாக்குகள் வித்தியாசத்தில் சத்தியபாமா வெற்றி பெற்ற நிலையில், தற்போது இவரது வெற்றிக்கான வாக்கு வித்தியாசம் கணிசமாக குறைந்துள்ளது. கடந்த ஏப்ரலில் நடந்த தேர்தலில் 81,100 வாக்குகள் பெற்ற சத்தியபாமா அதைவிட குறைவான வாக்குகளையே அதாவது 66,841 வாக்குகளையே தற்போது பெற்றுள்ளார்.

அதே நேரம் பொதுத்தேர்தலில் இந்த தொகுதியில் அதிமுக வெற்றி பெற்றிருந்த நிலையில், தற்போது திமுக இரண்டாமிடத்திற்கு முன்னேறி அதிமுக-வை மூன்றாமிடத்திற்கு தள்ளியுள்ளது. தாராபுரம் தொகுதி திமுக வேட்பாளர் சுகன்யா 57,690 வாக்குகளை பெற்று இரண்டாமிடம் பிடித்துள்ளார். அதே நேரம் கடந்த பொது தேர்தலில் முதலிடத்தில் இருந்த அதிமுக, இந்த இடைதேர்தலில் 45,280 வாக்குகளை பெற்று மூன்றாமிடத்திற்கு தள்ளப்பட்டுள்ளது.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.