ஜம்மு – காஷ்மீர் : சிஆர்பிஎஃப் சோதனைச் சாவடியின் மீது பயங்கரவாதிகள் துப்பாக்கிச் சூடு; வீரர்கள் மூவர் காயம்

ஜம்மு – காஷ்மீர் : சிஆர்பிஎஃப் சோதனைச் சாவடியின் மீது பயங்கரவாதிகள் துப்பாக்கிச் சூடு; வீரர்கள் மூவர் காயம்
Jammu and Kashmir: Terrorists open fire on CRPF checkpoint; three personnel injured

• பாதுகாப்புப் படையினர் அப்பகுதியைச் சுற்றி வளைத்து, தாக்குதல் நடத்தியவர்களைத் தேடும் பணியைத் தொடங்கியுள்ளது

குல்காம், நவ. 11

ஜம்மு – காஷ்மீர் : சிஆர்பிஎஃப் சோதனைச் சாவடியின் மீது பயங்கரவாதிகள் துப்பாக்கிச் சூடு; வீரர்கள் மூவர் காயம்: ஜம்மு – காஷ்மீரின் குல்காம் மாவட்டத்தில், சிஆர்பிஎஃப் சோதனைச் சாவடியின் மீது பயங்கரவாதிகள் நடத்திய துப்பாக்கிச் சூட்டில் சிஆர்பிஎப் வீரர்கள் மூவர் காயமடைந்தனர்.

மோட்டார் சைக்கிள்களில் வந்த இரண்டு துப்பாக்கி ஏந்திய பயங்கரவாதிகள், குல்காம் மாவட்டத்தின் மிர் பஜார் அருகே உள்ள சிஆர்பிஎஃப் சோதனைச் சாவடியில் 46-வது பட்டாலியன் வீரர்கள் மீது துப்பாக்கிச் சூடு நடத்தினர். இந்த தாக்குதலில் மூன்று வீரர்கள் காயமடைந்தனர். அதில், இருவர் பலத்த காயமடைந்தனர்.

இந்தத் தாக்குதலுக்கு பதிலடியாக சிஆர்பிஎஃப் வீரர்கள் திருப்பிச் சுட்டனர். மேலும், விரைவுப் படைகளும் சம்பவ இடத்துக்கு விரைந்து சென்றன. இதனையடுத்து, பாதுகாப்புப் படையினர் அப்பகுதியைச் சுற்றி வளைத்து, தாக்குதல் நடத்தியவர்களைத் தேடும் பணியைத் தொடங்கியுள்ளனர்.
இதையடுத்து, அந்தப் பகுதியில் பாதுகாப்பு பலப்படுத்தப்பட்டுள்ளது. பயங்கரவாதிகளை அடையாளம் காணும் பணியும், அவர்களைத் தேடும் நடவடிக்கையும் தொடர்ந்து நடைபெற்று வருகிறது.

இந்த ஆண்டு இதுவரை சிஆர்பிஎஃப் படையில் உயிரிழப்புகள் எதுவும் ஏற்படவில்லை என்று பிரதமர் நரேந்திர மோடி பாராட்டிய சில நாட்களுக்குப் பிறகு இந்தத் தாக்குதல் நடந்துள்ளது.

சமீபத்திய மாதங்களில் குல்காம் பகுதியில் நடந்த இரண்டாவது தாக்குதல் இதுவாகும். கடந்த ஜூலை மாதம், குல்காமில் இரண்டு புலம்பெயர் தொழிலாளர்களும், அனந்த்நாக்கில் ஒரு காவலரும் கொல்லப்பட்டனர்.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.