2026-ம் ஆண்டு புக்கர் பரிசு : ‘தி எண்ட் ஆஃப் எவரிதிங்’ நாவலுக்காக பெற்றுள்ளார் எழுத்தாளர் எம்.ஜான் ஹாரிசன்
2026 Booker Prize: Author M. John Harrison wins for his novel ‘The End of Everything’
-
புக்கர் பரிசு கடந்த 1969 முதல் வழங்கப்பட்டு வருகிறது. இதில் இந்த பரிசை வென்ற மூத்த வயது எழுத்தாளர் என்ற அடையாளத்தை எம்.ஜான் ஹாரிசன் பெற்றுள்ளார்.
லண்டன், நவ. 10
2026-ம் ஆண்டுக்கான புக்கர் பரிசை ‘தி எண்ட் ஆஃப் எவரிதிங்’ என்ற நாவலுக்காக 81 வயது எழுத்தாளர் எம்.ஜான் ஹாரிசன் பெற்றுள்ளார்.
புனைவு இலக்கியத்துக்கான மிக உயர்ந்த விருதுகளில் ஒன்றாக புக்கர் பரிசு கருதப்படுகிறது. 2026-ம் ஆண்டுக்கான பரிசளிப்பு விழா லண்டனில் உள்ள ‘ஓல்ட் பில்லிங்ஸ்கேட்’ அரங்கில் திங்கள்கிழமை நடைபெற்றது.
இதில் 163 படைப்பாளிகள் தங்களது படைப்புகளை சமர்ப்பித்தனர். அதிலிருந்து, எம்.ஜான் ஹாரிசனின் ‘தி எண்ட் ஆஃப் எவரிதிங்’, மார்லன் ஜேம்ஸின் ‘தி டிசப்பியரர்ஸ்’, லூக் கென்னார்டின் ‘பிளாக் பேக்’, ரெபெக்கா பெர்ரியின் ‘மே வீ ஃபீட் தி கிங்’, எலிசபெத் ஸ்ட்ரூட்டின் ‘தி திங்ஸ் வீ நெவர் சே’, டக்ளஸ் ஸ்டூவர்ட்டின் ‘ஜான் ஆஃப் ஜான்’ ஆகிய ஆறு படைப்புகளை இறுதிப் பட்டியலுக்குத் தேர்ந்தெடுத்தது பண்டைய வரலாறு மற்றும் செவ்வியல் இலக்கியத் துறையில் நிபுணத்துவம் பெற்ற ஆய்வாளர் மேரி பியர்ட் தலைமையிலான 5 பேர் கொண்ட நடுவர் குழு. இந்நிலையில், பிரிட்டனைச் சேர்ந்த எழுத்தாளர் எம்.ஜான் ஹாரிசன் வெற்றியாளராக அறிவிக்கப்பட்டார். ஆருக்கு புக்கர் பரிசுடன் 50,000 பவுண்டுகள் ரொக்கப் பரிசும், இறுதிப் பட்டியலில் இடம்பெற்றுள்ள மற்ற ஐந்து படைப்பாளிகளுக்கு தலா 2,500 பவுண்டுகளும் வழங்கப்பட்டது.
புக்கர் பரிசு கடந்த 1969 முதல் வழங்கப்பட்டு வருகிறது. இதில் இந்த பரிசை வென்ற மூத்த வயது எழுத்தாளர் என்ற அடையாளத்தை எம்.ஜான் ஹாரிசன் பெற்றுள்ளார். ‘தி எண்ட் ஆஃப் எவரிதிங்’ அவர் எழுதிய 13-வது நாவல் ஆகும். பிரிட்டனை கதை களமாக கொண்டு இந்த நாவலை அவர் எழுதி உள்ளார். இதில் ஏஐ குறித்த கவலைகளை அவர் வெளிப்படுத்தி உள்ளது.
இதுவரை புக்கர் பரிசு வென்ற இந்தியர்கள், இந்திய வம்சாவளியைச் சேர்ந்தவர்கள்:
1971-ல், இந்திய வம்சாவளியைச் சேர்ந்த, வி. எஸ். நைபால் (V. S. Naipaul), ‘இன் ஏ ஃப்ரீ ஸ்டேட்’ நாவலுக்காக புக்கர் பரிசு பெற்றார்.
1981-ல், இந்தியாவில் பிறந்து பின்னர் இங்கிலாந்து குடியுரிமை பெற்ற சல்மான் ருஷ்டி, ‘மிட்நைட்ஸ் சில்ட்ரன்’ படத்துக்காக புக்கர் பரிசு பெற்றார்.
1997-ல், அருந்ததி ராய், ‘தி காட் ஆஃப் ஸ்மால் திங்ஸ்’, புத்தகத்துக்காக புக்கர் பரிசு பெற்றார்.
2006-ல், கிரண் தேசாய், ‘தி இன்ஹெரிட்டன்ஸ் ஆஃப் லாஸ்’ புத்தகத்துக்காக புக்கர் பரிசு பெற்றார்.
2008-ல், அரவிந்த் அடிகா, ‘தி ஒயிட் டைகர்’ நூலுக்காக புக்கர் பரிசு பெற்றார்.
சுவாரஸ்யமான அண்மை செய்திகளை உடனுக்குடன் தெரிந்து கொள்ள https://puthiyaparimaanam.com/ மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.
