தேர்தல் வழக்கை நிராகரிக்கக் கோரி உதயநிதி ஸ்டாலின் தாக்கல் செய்த மனு தள்ளுபடி – சென்னை உயர் நீதிமன்றம் உத்தரவு
Madras High Court dismisses Udhayanidhi Stalin’s plea to reject election petition
-
உயர் நீதிமன்ற பதிவுத்துறை அதை ஏற்று எண்ணிட்டுள்ளதால் வழக்கில் முழுமையாக விசாரணை நடத்த வேண்டும் என வாதம்
சென்னை, நவ .13
தேர்தல் வழக்கை நிராகரிக்கக் கோரி உதயநிதி ஸ்டாலின் தாக்கல் செய்த மனு தள்ளுபடி – சென்னை உயர் நீதிமன்றம் உத்தரவு: தனக்கு எதிரான தேர்தல் வழக்கை நிராகரிக்கக் கோரி எதிர்க்கட்சித் தலைவர் உதயநிதி ஸ்டாலின் தாக்கல் செய்த மனுவை தள்ளுபடி செய்து சென்னை உயர் நீதிமன்றம் உத்தரவிட்டுள்ளது.
கடந்த சட்டமன்ற தேர்தலில் சேப்பாக்கம் – திருவல்லிக்கேணி தொகுதியில் திமுக சார்பில் போட்டியிட்ட உதயநிதி ஸ்டாலின் வெற்றி பெற்றதாக அறிவிக்கப்பட்டது. அவரது தேர்தல் வெற்றியை எதிர்த்து தொகுதியில் போட்டியிட்ட மிலானி என்பவர் சென்னை உயர் நீதிமன்றத்தில் தேர்தல் வழக்கு தாக்கல் செய்திருந்தார்.
இந்த தேர்தல் வழக்கை நிராகரிக்கக் கோரி, உதயநிதி ஸ்டாலின் தரப்பில் மனுத்தாக்கல் செய்யப்பட்டிருந்தது. இந்த வழக்கு விசாரணையின்போது உதயநிதி தரப்பில், மக்கள் பிரதிநிதித்துவ சட்டப்படி 45 நாட்கள் அவகாசத்துக்குள் இந்த தேர்தல் வழக்கு தாக்கல் செய்யப்படவில்லை என்பதால் தேர்தல் வழக்கை நிராகரிக்க வேண்டும் என வாதிடப்பட்டது.
தேர்தல் வழக்கு தாக்கல் செய்த மிலானி தரப்பில், “தேர்தல் வழக்கு குறித்த காலக்கெடுவுக்குள் தான் தாக்கல் செய்யப்பட்டுள்ளது. உயர் நீதிமன்ற பதிவுத்துறை அதை ஏற்று எண்ணிட்டுள்ளதால் வழக்கில் முழுமையாக விசாரணை நடத்த வேண்டும் என வாதிடப்பட்டது.
இரு தரப்பு வாதங்களையும் கேட்ட நீதிபதி, தேர்தல் வழக்கை நிராகரிக்கக் கோரி உதயநிதி ஸ்டாலின் தாக்கல் செய்த மனு மீதான தீர்ப்பை தேதி குறிப்பிடாமல் தள்ளிவைத்திருந்தார். இந்நிலையில், தேர்தல் வழக்கை நிராகரிக்கக் கோரி உதயநிதி ஸ்டாலின் தாக்கல் செய்த மனுவை இன்று தள்ளுபடி செய்து உத்தரவிட்ட நீதிபதி ஜி.அருள்முருகன், பிரதான தேர்தல் வழக்கின் விசாரணையை டிசம்பர் 11-ம் தேதிக்கு தள்ளிவைத்தார்.
சுவாரஸ்யமான அண்மை செய்திகளை உடனுக்குடன் தெரிந்து கொள்ள https://puthiyaparimaanam.com/ மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.
