ஜிவி பிரகாஷ் படத்தில் இளைய ராஜா பாடலை பயன்படுத்த தடை-சென்னை உயர்நீதிமன்றம் உத்தரவு

ஜிவி பிரகாஷ் படத்தில் இளைய ராஜா பாடலை பயன்படுத்த தடை-சென்னை உயர்நீதிமன்றம் உத்தரவு
Madras High Court Restrains Use of Ilaiyaraaja’s Song in GV Prakash’s Film

• ”ஹேப்பி ராஜ்” நடிகர் ரஜினி நடிப்பில் இளையராஜா பின்னணி இசையில் வெளியான ”முரட்டுக்காளை” படத்தில் இடம் பெற்று இருந்த ”பொதுவாக எம்மனசு தங்கம்” என்ற பாடல் பயன்படுத்தப்பட்டிருந்தது.

• இளையராஜா அனுமதி இல்லாமல் பதிப்புரிமைச் சட்டத்தை மீறும் வகையில் இந்த பாடல் படத்தில் பயன்படுத்தப்பட்டு உள்ளதாகவும், பாடலை உருமாற்றி உள்ளதால் பாடலை பயன்படுத்த தடை விதிக்க வேண்டும் என்றும் வாதம்

சென்னை, ஜூலை.06

ஜிவி பிரகாஷ் படத்தில் இளைய ராஜா பாடலை பயன்படுத்த தடை-சென்னை உயர்நீதிமன்றம் உத்தரவு: ஜிவி பிரகாஷ் படமான ”ஹேப்பி ராஜ்” படத்தில் ”பொதுவாக எம்மனசு தங்கம்” என்ற இளைய ராஜா பாடலை பயன்படுத்த சென்னை உயர்நீதிமன்றம் தடை விதித்துள்ளது.

நடிகரும் இசையமைப்பாளருமான ஜி.வி பிரகாஷ் நடிப்பில் கடந்த மார்ச் 27ம் தேதி ”ஹேப்பி ராஜ்” என்ற படம் வெளியானது. இந்தப் படத்தில் நடிகர் ரஜினி நடிப்பில் இளையராஜா பின்னணி இசையில் வெளியான ”முரட்டுக்காளை” படத்தில் இடம் பெற்று இருந்த ”பொதுவாக எம்மனசு தங்கம்” என்ற பாடல் பயன்படுத்தப்பட்டிருந்தது.

இதனை எதிர்த்து சென்னை உயர் நீதிமன்றத்தில் இசையமைப்பாளர் இளையராஜா வழக்கு தொடர்ந்திருந்தார். அதில் தனது அனுமதியின்றி, உருமாற்றி தனது பாடலை பயன்படுத்தியுள்ளதாகவும், எனவே அந்த பாடலை பயன்படுத்த தடை விதிக்க வேண்டும், பாடலை நீக்க உத்தரவிட வேண்டும் என மனுவில் கோரிக்கை விடுத்திருந்தார்.

இந்த வழக்கு நீதிபதி எம்.குமரேஷ்பாபு முன்பு விசாரணைக்கு வந்தது. அப்போது இளையராஜா தரப்பில், வழக்கறிஞர் ஏ.சரவணன் ஆஜராகி, இளையராஜா அனுமதி இல்லாமல் பதிப்புரிமைச் சட்டத்தை மீறும் வகையில் இந்த பாடல் படத்தில் பயன்படுத்தப்பட்டு உள்ளதாகவும், பாடலை உருமாற்றி உள்ளதால் பாடலை பயன்படுத்த தடை விதிக்க வேண்டும் என்றும் வாதிட்டார்.

வழக்கை விசாரித்த நீதிபதி, ”ஹேப்பி ராஜ்” படத்தில் இடம் பெற்றுள்ள “பொதுவாக எம்மனசு தங்கம்” என்ற பாடலை பயன்படுத்த தடை விதித்து உத்தரவிட்டுள்ளார். மேலும் இது குறித்து படத்தின் இயக்குநர் மற்றும் தயாரிப்பாளர் பதிலளிக்க உத்தரவிட்டுள்ளார்.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.