புதுச்சேரி புனித பேட்ரிக் மேல்நிலைப்பள்ளியில் ஆசிரியர் தினவிழா கொண்டாட்டம்

புதுச்சேரி புனித பேட்ரிக் மேல்நிலைப்பள்ளியில் ஆசிரியர் தினவிழா கொண்டாட்டம்

Teachers’ Day Celebration at St. Patrick’s Higher Secondary School, Puducherry

• புனித பேட்ரிக் மேல்நிலைப்பள்ளியில் ஆசிரியர் தின விழாவில் பல்திறன் போட்டி மற்றும் பரிசளிப்பு

புதுச்சேரி, செப். 08

புதுச்சேரி புனித பேட்ரிக் மேல்நிலைப்பள்ளியில் ஆசிரியர் தினவிழா வெள்ளிவிழா கலை அரங்கில் சிறப்பாக கொண்டாடப்பட்டது. இந்நிகழ்ச்சியில் சிறப்பு விருந்தினராக பள்ளியின் முன்னாள் மாணவியும், சென்னை என். எஸ். என். பள்ளி துணை முதல்வருமான சாந்தினி, தலைமை விருந்தினராக சென்னை பெசன்ட் நகர் தியோசாபிகல் பள்ளி முன்னாள் தாளாளர் மற்றும் செயலாளரான அரசு கலந்து கொண்டனர்.

பள்ளி தாளாளர் பிரெட்ரிக் ரெஜிஸ் வரவேற்று, அறிமுகப்படுத்தி பேசினார். பள்ளி மருத்துவ இயக்குநர் டாக்டர் ஸீடா பிரெட்ரிக் சிறப்பு விருந்தினர்களுக்கு பொன்னாடை அணிவித்து கவுரவித்தார்.

பள்ளி முதல்வர் ஸ்டெல்லா நினைவு பரிசு வழங்கினார். இதில் பள்ளியின் ஆலோசனை குழு உறுப்பினர்கள், முன்னாள் ஆசிரியர்கள் கலந்து கொண்டனர்.
இவ்விழாவில் சிறப்பு மற்றும் தலைமை விருந்தினர்கள் தற்காலத்தில் ஆசிரியர் பணியில் உள்ள சவால்கள், அதனை எதிர்கொள்ள வேண்டிய வழிகளை எடுத்து கூறியதுடன், மாணவர்களை ஊக்குவித்து நல்வழிப்படுத்துவது ஆசிரியர்களின் கடமை என்று அறிவுறுத்தினர்.

பின்னர் ஆசிரியர் தினத்தை முன்னிட்டு நடைபெற்ற போட்டிகளில் வெற்றி பெற்ற ஆசிரியர், ஆசிரியைகளுக்கு பரிசுகள் வழங்கப்பட்டன.
மேலும், அவந்திகா சர்வதேச தொண்டு நிறுவனம் நடத்திய போட்டிகளில் பேட்ரிக் பள்ளி சிறந்த முறையில் பங்கேற்று பரிசு பெற்றதற்கு பள்ளி தாளாளர் மற்றும் ஆசிரியர்களை அவந்திகா நிறுவனம் பாராட்டி, கௌரவித்தது.

தொடர்ந்து பள்ளி தாளாளர் மற்றும் ஆசிரியர்களுக்கு நினைவு பரிசுகளையும், சான்றிதழ்களையும் வழங்கியது. மேலும் ஆசிரியர்களுக்கு நினைவு பரிசும் வழங்கப்பட்டது. பல்வேறு போட்டிகளில் வெற்றி பெற்ற ஆசிரியர்-ஆசிரியை, உதவியாளர்களுக்கும் பரிசுகள் வழங்கப்பட்டன. இந்நிகழ்ச்சியில் ஆசிரியர்கள் சார்பாக நலிந்த மாணவர்களுக்கான ஊக்க தொகை பள்ளியின் தாளாளரிடம் வழங்கப்பட்டது. விழாவில் மாணவ, மாணவிகளின் பல்வேறு கலை நிகழ்ச்சிகளும் நடைபெற்றன.

நிகழ்ச்சி முடிவில் ஆசிரியை ரெஜினா நன்றியுரை வழங்கினார். ஆசிரியை சுபா நிகழ்ச்சிகளை தொகுத்து வழங்கினார்.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.