டிரம்ப்புக்கு கொட்டு : அமெரிக்க மண்​ணில் பிறக்​கும் அனை​வருக்​கும் பிறப்​புரிமை குடி​யுரிமை உண்டு – உச்ச நீதிமன்றம் உறுதி

டிரம்ப்புக்கு கொட்டு : அமெரிக்க மண்​ணில் பிறக்​கும் அனை​வருக்​கும் பிறப்​புரிமை குடி​யுரிமை உண்டு – உச்ச நீதிமன்றம் உறுதி

Setback for Trump: US Supreme Court Upholds Birthright Citizenship for All Born on US Soil

• தற்​போதைய குடி​யுரிமை கொள்​கையை ஒரு அவமானம் என்று டிரம்ப் விமர்​சித்​திருந்​தார்.

• 14-வது திருத்​தத்​தின் நீண்​ட​கால விளக்​கம் தவறானது என்று ட்ரம்ப் நிர்​வாகம் நீதி​மன்​றத்​தில் வாதிட்​டது.

வாஷிங்டன், ஜூலை. 01

அமெரிக்க மண்​ணில் பிறக்​கும் குழந்​தைகளுக்கு வழங்​கப்​படும் தானி​யங்கி பிறப்புரிமை குடி​யுரிமை​யைக் கட்டுப்படுத்​தக் கோரி அதிபர் டொனால்டு ட்ரம்ப் பிறப்​பித்த நிர்​வாக உத்​தரவை அமெரிக்க உச்ச நீதிமன்றம் அதிரடி​யாக நிராகரித்துள்​ளது.

அமெரிக்க அரசி​யலமைப்​பின் 14-வது திருத்​தத்​தின்​படி, 1868-ம் ஆண்டு முதல் அந்​நாட்டு மண்​ணில் பிறக்​கும் பெரும்​பாலான குழந்​தைகளுக்​குத் தானாகவே குடி​யுரிமை வழங்​கப்​பட்டு வருகிறது. இந்த நடை​முறையை மாற்றி அமைக்​கும் நோக்​கில், அதிபர் டிரம்ப் நிர்​வாக உத்​தரவு ஒன்​றைப் பிறப்​பித்​திருந்​தார்.

தற்​போதைய குடி​யுரிமை கொள்​கையை ஒரு அவமானம் என்று டிரம்ப் விமர்​சித்​திருந்​தார். அதே​போல், அமெரிக்​கத் துணை அதிபர் ஜே.டி.​வான்​ஸ், இது உலகிலேயே மிக​வும் முட்​டாள் தனமான குடியேற்​றக் கொள்கை என்று முன்பு குறிப்பிட்டிருந்தார்.

இதற்கு சட்ட ரீதி​யாகப் பலத்த எதிர்ப்​பு​கள் கிளம்​பிய நிலையில், இதுதொடர்​பாக உச்ச நீதி​மன்​றத்​தில் வழக்கு தொடரப்​பட்டு விசா​ரணைக்கு வந்​தது.அப்​போது, 14-வது திருத்​தத்​தின் நீண்​ட​கால விளக்​கம் தவறானது என்று ட்ரம்ப் நிர்​வாகம் நீதி​மன்​றத்​தில் வாதிட்​டது.

அமெரிக்​க குடிமக்​கள் அல்​லாதவர்​களுக்​குப் பிறக்​கும் குழந்​தைகள் அமெரிக்கா​வின் அதி​கார வரம்​பிற்​குள் வரமாட்​டார்​கள் என்​றும், எனவே அவர்​களுக்​குத் தானாகவே குடி​யுரிமை பெற உரிமை இல்லை என்​றும் டொனால்டு ட்ரம்ப் தரப்பு வாதிட்​டது.

ஆனால், ட்ரம்ப் நிர்​வாகத்​தின் இந்த வாதத்தை நிராகரித்த நீதி​மன்​றம், 6-3 என்ற நீதிப​தி​களின் பெரும்​பான்மை வாக்​கு​கள் அடிப்படை​யில், அமெரிக்க மண்​ணில் பிறக்​கும் அனை​வருக்​கும் பிறப்​புரிமை குடி​யுரிமை வழங்​கு​வதை உறு​தி செய்​து தீர்ப்பளித்தது.

சுவாரஸ்யமான அண்மை செய்திகளை உடனுக்குடன் தெரிந்து கொள்ள  https://puthiyaparimaanam.com/  மற்றும் https://youtube.com/@puthiyaparimaanamtv?si=knGTQja4kr5TtZaY சேனலை பாருங்கள்.